Eventos pasados

venres, 12 Outubro, 2018 - 17:45

O pasado mes de abril cumpríanse 5 anos dende que o Ateneo Libertario A Engranaxe abría as portas, 5 anos de traballo, de esforzos e de moita ilusión.

Neste tempo, entre presentacións de libros, obradoiros, xornadas, grupos de estudios e moitas actividades máis, fomos aprendendo, coñecendo xente, formando parte de diversas accións e sempre co obxetivo de crear texido social, dende a horizontalidade e a autoxestión, pero todo ten un fin.

sábado, 23 Xuño, 2018 - 19:00

Este Sábado 23 xuntámonos de novo varias asociacións e colectivos lucenses para celebrar outra edición do Lumenovo asociativo!

Ambientazo para compartir a chegada do solsticio de verán. Con actuacións musicais en vivo co rapeiro Volk GZ e foliada, xogos para as crianzas, comida (haberá opción vegana), queimada con conxuro incluído contra a "Ordenanza Mordaza" e moito máis!

Será onde os anos pasados: zona de Fontiñas - Rda. Das Mercedes (na praza de arriba á escola de idiomas).

Agardámoste!

venres, 11 Maio, 2018 - 21:30

O Venres 11 continuamos co cuarto ciclo de experiencias militantes. Nesta ocasión no local do Mádia Leva (Rua Serra de Ancares nº 18) coa lucense Carme Blanco, que formou parte do feminismo galego dende os anos 70.

Para apuntarte á cea escribe a madialeva.gz@gmail.com (con opción vegana, avisa da túa escolla).